Online mintegia oihanen nazioarteko egunari buruz

Ostiral honetan, martxoak 26, Oihanen Nazioarteko Egunari buruzko mintegi bat eginen da online, Bertizko Jaurerria Parke Naturalak antolatua, Interreg Poctefa Naturclima programaren baitan.

Jardunaldian zehar, Miguel Mari Elosegi biologoak solasgai izanen du zer teknika eta lan egin diren Bertizko Jaurerria Parke Naturalean, landare exotiko inbaditzaileak ezabatzeko eta kontrolatzeko. David Elustondo Kimika Saileko irakaslea da Nafarroako Unibertsitatean, bai eta bertako Biodibertsitate eta Ingurumen Institutuko ikertzailea ere; bada, atmosferaren kutsadurak eta Klima Aldaketak oihan ekosistemetan zer inpaktu dituzten izanen du aztergai. Azkenik, Oscar Schwendtner Bioma Forestal enpresako kidearen gaia hauxe izanen da: oihan helduak Nafarroan klima-aldaketaren aurka.